പേരാമ്പ്ര: പേരാമ്പ്രയില്‍ സി.പി.എം നേതാവും മലബാര്‍ ദേവസ്വം ബോര്‍ഡ് ക്ഷേത്രകാര്യ സ്റ്റാന്‍ഡിങ് കമ്മിറ്റി ചെയര്‍മാനുമായ ശശികുമാര്‍ പേരാമ്പ്രയുടെ വീടിന് നേരെ ബോംബേറ്. രണ്ടു സ്റ്റീല്‍ ബോംബുകളാണ് എറിഞ്ഞത്. കഴിഞ്ഞ ദിവസം അര്‍ധരാത്രിയാണ് സംഭവം നടന്നത്. അടുക്കള ഭാഗത്ത് എറിഞ്ഞ ബോംബുകളില്‍ ഒന്ന് പൊട്ടിയില്ല, വീടിനോ ആളുകള്‍ക്കോ പരുക്കില്ല. പേരാമ്പ്ര പൊലിസും ബോംബ് സ്‌ക്വാഡും സ്ഥലത്തെത്തി പരിശോധന നടത്തി. പ്രതികള്‍ക്കായി പൊലിസ് ഊര്‍ജിമായ അന്വേഷണം ആരംഭിച്ചു.