കുന്നംകുളം: ഭാര്യയെ വെട്ടിക്കൊന്ന് ഭര്‍ത്താവ് പൊലിസില്‍ കീഴടങ്ങി. കുന്നുകുളത്താണ് സംഭവം. ആനായിക്കല്‍ ഗാസിയാനഗര്‍ പനങ്ങാട്ട് വീട്ടില്‍ പ്രതീഷിന്റെ ഭാര്യ ജിഷ (33) ആണ് കൊല്ലപ്പെട്ടത്. വീട്ടിലെ കിടപ്പുമുറിയില്‍ വച്ചാണ് ജിഷയെ പ്രതീഷ് കൊലപ്പെടുത്തിയത്. സംഭവത്തിനു ശേഷം പ്രതി കുന്നംകുളം പൊലിസ് സ്റ്റേഷനില്‍ കീഴടങ്ങി. ഇന്ന് പുലര്‍ച്ചെ രണ്ടു മണിയോടെയായിരുന്നു സംഭവം. ഭാര്യയിലുള്ള സംശയമാണ് കൊലപാതകത്തിന് കാരണമെന്ന് പറയുന്നു.

സഊദി അറേബ്യയിലായിരുന്ന പ്രതീഷ് മൂന്നു മാസം മുമ്പാണ് നാട്ടിലെത്തിയത്. വെട്ടുകത്തി ഉപയോഗിച്ചാണ് ജിഷയെ കൊലപ്പെടുത്തിയത്. സംഭവസമയം പ്രതീഷിന്റെ അമ്മയും 13കാരിയായ മകളും വീട്ടിലുണ്ടായിരുന്നു. പാലക്കാട് തൃത്താല സ്വദേശിനിയാണ് ജിഷ.