മോസ്‌കോ: റഷ്യയുടെ യു.എന്‍ അംബാസിഡര്‍ വിറ്റാലി ഇവാനോവിച്ച് ചര്‍ക്കിന്‍ (64) അന്തരിച്ചു. ന്യൂയോര്‍ക്കില്‍ വച്ചായിരുന്നു അന്ത്യം. റഷ്യന്‍ വിദേശകാര്യ മന്ത്രാലയമാണ് അദ്ദേഹത്തിന്റെ മരണവാര്‍ത്ത പുറത്തുവിട്ടത്. ഹൃദയാഘാതത്തെത്തുടര്‍ന്നായിരുന്നു അന്ത്യം. കഴിവുറ്റ റഷ്യന്‍ നയതന്ത്ര വിദഗ്ധനായിരുന്നു ചര്‍ക്കിനെന്നും അദ്ദേഹത്തിന്റെ നിര്യാണത്തില്‍ അഗാധമായ ദുഖം രേഖപ്പെടുത്തുന്നുവെന്നും റഷ്യന്‍ വിദേശകാര്യ മന്ത്രാലയം പ്രസ്താവനയിലൂടെ അറിയിച്ചു.

ചര്‍ക്കിന്റെ നിര്യാണത്തില്‍ വിവിധ ലോകനേതാക്കള്‍ അനുശോചനം രേഖപ്പെടുത്തി.