എരിയപ്പാടി: പാവങ്ങളുടെ കണ്ണീരൊപ്പാന്‍ ആര്‍ക്കെങ്കിലും സാധിച്ചാല്‍ അവര്‍ക്ക് ഈ ലോകത്ത് ഒരു നാശവും സംഭവിക്കില്ലെന്ന് സമസ്ത കേന്ദ്ര മുശാവറ അംഗം എം.എ ഖാസിം മുസ്‌ലിയാര്‍. എരിയപ്പാടി കിങ് സ്റ്റാര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ ഇരുപതാം വാര്‍ഷികത്തോടനുബന്ധിച്ച് സംഘടിപ്പിക്കുന്ന കിങ് കാനോത്ത് സമൂഹ വിവാഹത്തിന്റെ ഭാഗമായി നടന്ന മതപ്രഭാഷണ ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
ഇന്ന് രാവിലെ 11ന് സമൂഹ വിവാഹം നടക്കും. രാവിലെ 11ന് എ.പി അബൂബക്കര്‍ മുസ്‌ലിയാര്‍ കാന്തപുരം ഉദ്ഘാടനം ചെയ്യും. പാണക്കാട് സയ്യിദ് നൗഫല്‍ അലി ശിഹാബ് തങ്ങള്‍ നിക്കാഹിന് കാര്‍മികത്വം വഹിക്കും.
വൈകുന്നേരം മൂന്നിന് സാംസ്‌കാരിക സമ്മേളനം കര്‍ണാടക മന്ത്രി യു.ടി ഖാദര്‍ ഉദ്ഘാടനം ചെയ്യും.