തിരൂരങ്ങാടി: കൊടിഞ്ഞി പുല്ലാണി ഫൈസല്‍ കൊല്ലപ്പെട്ട കേസില്‍ തെളിവെടുപ്പിന് പൊലിസ് കസ്റ്റഡിയില്‍ വാങ്ങിയ പ്രതികളെ കോടതിയില്‍ ഹാജരാക്കി. ആര്‍.എസ്.എസ് പ്രവര്‍ത്തകരായ തിരൂര്‍ ആലത്തിയൂര്‍ കുട്ടിച്ചാത്തന്‍പടി കുണ്ടില്‍ ബിബിന്‍ (26), തിരൂര്‍ തൃക്കണ്ടിയൂര്‍ മഠത്തില്‍ നാരായണന്‍(47) എന്നിവരെയാണ് വെള്ളിയാഴ്ച കസ്റ്റഡിയില്‍ ലഭിച്ചത്. തുടര്‍ന്ന് കൊടിഞ്ഞി, തിരൂര്‍, വയനാട് എന്നിവിടങ്ങളില്‍ തെളിവെടുപ്പ് നടത്തി ഫൈസലിനെ കുത്താനുപയോഗിച്ച ആയുധം കണ്ടെടുത്തിരുന്നു. പ്രതികളെ പതിനാല് ദിവസത്തേക്ക് റിമാന്‍ഡ് ചെയ്തു.