എന്തു വിജയമുണ്ടായാലും ആദ്യം ചോദിക്കുക ട്രീറ്റ് എവിടെയാണെന്നാണ്. പിസ്സ ഹട്ടുകളില്‍ ട്രീറ്റ് നടത്തുന്നവരും ഈയിടെ കൂടി വരുന്നുണ്ട്. ഇവിടെയിതാ ഇന്ത്യയുടെ അഭിമാനമായ ഐ.എസ്.ആര്‍.ഒയുടെ വിജയത്തിന് പിസ്സ ട്രീറ്റ് ലഭിച്ചിരിക്കുന്നു. നല്‍കിയതോ, പിസ്സ ഹട്ട് തന്നെയാണ്!

104 സാറ്റലൈറ്റുമായി ലോക റെക്കോര്‍ഡിട്ട ഐ.എസ്.ആര്‍.ഒ ശാത്രജ്ഞന്മാര്‍ക്ക് പിസ്സ ഹട്ട് തന്നെ നേരിട്ട് ട്രീറ്റ് കൊടുക്കുന്നതില്‍ അല്‍ഭുതമൊന്നുമില്ലെങ്കിലും ഇതാദ്യമാണ് ഇങ്ങനൊന്ന് സംഭവിക്കുന്നത്. രാജ്യത്താകമാനമുള്ള എല്ലാ ഐ.എസ്.ആര്‍.ഒ ജീവനക്കാര്‍ക്കും പിസ്സ ഹട്ടിന്റെ ട്രീറ്റ് ലഭിക്കും.

മൊത്തം 2000 ത്തില്‍ അധികം ജീവനക്കാരുണ്ടെന്നാണ് കണക്ക്. ഇവര്‍ക്കായി പിസ്സ നല്‍കാന്‍ ചിലവാകുക ആറു ലക്ഷത്തോളം രൂപ. പക്ഷെ, ഇതിലൂടെ ലഭിക്കുന്ന പബ്ലിസിറ്റിയുടെ വില അതിലും കൂടുമല്ലോ...