കൊല്ലം: അനധികൃത പണമിടപാടുകാരെ കുടുക്കാന്‍ റെയ്ഡിനിറങ്ങിയ പൊലിസ് ഒന്നര കിലോഗ്രാം ഹാഷിഷ് ഓയില്‍ പിടിച്ചെടുത്തു. അന്താരാഷ്ട്ര മാര്‍ക്കറ്റില്‍ നാല്‍പ്പത് ലക്ഷം രൂപയോളം വിലവരുന്ന ഒന്നര കിലോഗ്രാം ഹാഷിഷ് ഓയിലാണ് പിടിച്ചെടുത്തത്.
രാവിലെ ആറ് മുതല്‍ അതീവ രഹസ്യമായി നടത്തിയ റെയ്ഡ് തുടരവെയാണ് കൊല്ലം പള്ളിത്തോട്ടം പൊലിസ് സ്‌റ്റേഷന്‍ പരിധിയില്‍ ക്യൂ എസ്.എസ് കോളനിയില്‍ ജോസ് എന്നയാളിന്റെ വീട്ടില്‍ നടത്തിയ പരിശോധനയില്‍ അന്താരാഷ്ട്ര വിപണിയില്‍ നാല്‍പ്പത് ലക്ഷത്തിലധികം മൂല്യമുള്ള ഒന്നര കിലോ ഹാഷിഷ് ഓയില്‍ പിടിച്ചെടുത്തത്. കഴിഞ്ഞ രണ്ടര വര്‍ഷത്തിനിടയില്‍ കൊല്ലം ജില്ലയില്‍ നടത്തിയ ഏറ്റവും വലിയ മയക്ക് മരുന്ന് വേട്ടയാണിത്.