കോഴിക്കോട്: എസ്.കെ.എസ്.എസ്.എഫ് 'നാഷനല്‍ കാംപസ് കാള്‍ ' മാര്‍ച്ച് 10,11,12 തിതികളില്‍ പെരിന്തല്‍മണ്ണ എം.ഇ.എ എന്‍ജിനീയറിങ് കോളജില്‍ നടക്കും. ഇന്ത്യയിലെ വിവിധ കേന്ദ്ര പ്രാദേശിക സര്‍വകലാശാലകളിലും, ടെക്‌നിക്കല്‍ മെഡിക്കല്‍ സര്‍വകലാശാലകളിലും പഠിക്കുന്ന യു.ജി, പി.ജി, പി.എച്ച്.ഡി വിദ്യാര്‍ഥികളാണു കാംപസ് കാളില്‍ പങ്കെടുക്കുക. പ്രമുഖര്‍ പങ്കെടുന്ന ആത്മീയ, അക്കാദമിക് സെഷനുകള്‍ നടക്കും. നാഷനല്‍ കാംപസ് കാളിന്റെ രജിസ്‌ട്രേഷന് www.skssfcampuswing.com എന്ന കാംപസ് വിങ് ഒഫിഷല്‍ വെബ്‌സൈറ്റ് സന്ദര്‍ശിക്കുക.
യോഗത്തില്‍ എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തലൂര്‍ അദ്ധ്യക്ഷനായി. ഖയ്യൂം കടമ്പോട്, ഷബിന്‍ മുഹമ്മദ്, ജൗഹര്‍ കാവന്നൂര്‍, അസ്‌ലം, റഈസ് സംസാരിച്ചു. കാംപസ് വിങ് സംസ്ഥാന ജനറല്‍ കണ്‍വീനര്‍ ഇസ്ഹാഖ് ഖിളര്‍ സ്വാഗതവും ട്രഷറര്‍ റിയാസ് വെളിമുക്ക് നന്ദിയും പറഞ്ഞു.