തിരുവനന്തപുരം: കണ്ണൂരില്‍ എ.എന്‍ ഷംസീര്‍ എം.എല്‍.എയുടെ വീടിനു നേരെ നടന്നത് ആസൂത്രിത ആക്രമണമെന്ന് മന്ത്രി ഇ.പി ജയരാജന്‍. ഭീകര സംഘടനയെപ്പോലെയാണ് ആര്‍.എസ്.എസ് പ്രവര്‍ത്തിക്കുന്നത്. സമാധാന ചര്‍ച്ചയില്‍ പങ്കെടുത്ത നേതാവിന്റെ വീടാണ് സംഘപരിവാറുകര്‍ ആക്രമിച്ചത്. ആക്രമണത്തിന് പിന്നില്‍ പ്രാദേശിക കക്ഷികളല്ലെന്നും മന്ത്രി പറഞ്ഞു.

ഒളിഞ്ഞിരുന്ന് അക്രമം കാട്ടുന്ന സംഘപരിവാരങ്ങള്‍ സത്യത്തില്‍ തീക്കൊള്ളികൊണ്ട് തലചൊറിയുകയാണ്. ഇത്തരം തെമ്മാടികൂട്ടങ്ങളുടെ മുന്നില്‍ പതറിപോകുന്നവരല്ല കമ്യൂണിസ്റ്റുകാരെന്ന് അക്രമത്തിന് നേതൃത്വം നല്‍കുന്നവര്‍ ഓര്‍ക്കണം. മനുഷ്യത്വരഹിതമായ ആക്രമണങ്ങളിലൂടെ കേരളത്തെ കലാപഭൂമിയാക്കാനാണ് നീക്കമെന്നും അദ്ദേഹം പറഞ്ഞു.