മലപ്പുറം: ജാമിഅ നൂരിയ്യ സനദ് ദാന സമ്മേള്ളനത്തോടനുബന്ധിച്ച് നടക്കുന്ന മജ്‌ലിസുന്നൂര്‍ ആത്മീയ സംഗമം 10ന് ഫൈസാബാദില്‍ നടക്കും. കേരളത്തിനകത്തും പുറത്തുമായി നടക്കുന്ന മജ് ലിസുന്നൂര്‍ സദസുകളിലെ അമീറുമാരും സ്ഥിരാംഗങ്ങളും മറ്റു ദീനീസ്‌നേഹികളും സംഗമിക്കുന്ന വാര്‍ഷിക സംഗമമാണ് ജാമിഅ നൂരിയ്യയില്‍ നടക്കുന്നത്.

ജാമിഅ സമ്മേളനത്തിന്റെ രണ്ടാം ദിവസമായ വ്യാഴാഴ്ച മഗ്‌രിബിന് നടക്കുന്ന സംഗമത്തിന് സമസ്ത ഉപാധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ നേതൃത്വം നല്‍കും. മജ്‌ലിസുന്നൂര്‍ സംസ്ഥാന അമീര്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി ആമുഖ പ്രസംഗവും, ഏലംകുളം ബാപ്പു മുസ്‌ലിയാര്‍ ഉല്‍ബോധന പ്രസംഗവും നടത്തും. പ്രമുഖ പണ്ഡിതരും സയ്യിദുമാരും നേതൃത്വം നല്‍കും.

സംഗമത്തിനെത്തുന്നവര്‍ മഅ്‌രിബ് നിസ്‌കാരത്തിന് മുന്നോടിയായി പ്രധാന ഗ്രൗണ്ടില്‍ പ്രവേശിക്കണമെന്ന് സംഘാടക സമിതി അറിയിച്ചു.