തിരുവനന്തപുരം: അമിത്ഷാ ഇടക്കിടെ വരണമെന്നും വരുംതോറും ഇവിടെ ബി.ജെ.പി തകരുമെന്നും കോടിയേരി. ബി.ജെ.പി ദേശീയ നേതാക്കള്‍ കേരളത്തിലേക്കെന്ന വാര്‍ത്തയോട് പ്രതികരിക്കുകയായിരുന്നു കോടിയേരി ബാലകൃഷ്ണന്‍.

'അവരെല്ലാവരും കൂടി വരട്ടെ, നല്ലതല്ലേ... കേരളം ലോകശ്രദ്ധ ആകര്‍ഷിക്കുന്ന സ്ഥിതി വരട്ടെ. അമിത് ഷാ ഇടക്കിടെ കേരളത്തില്‍ വരുന്നത് നല്ലതാണ്. അമിത് ഷാ വരുന്നതനുസരിച്ച് ഞങ്ങളുടെ ജനപിന്തുണ കേരളത്തില്‍ കൂടിക്കൊണ്ടേയിരിക്കും. അമിത് ഷായുടെ വരവ് ഇടക്കിടെ ഉണ്ടാവണം. അദ്ദേഹം ഓരോ പ്രാവശ്യം കേരളത്തിലെ ജനങ്ങളെ കാണുമ്പോഴും ബി.ജെ.പിക്ക് തകര്‍ച്ചയാണ് കേരളത്തില്‍ ഉണ്ടാകുന്നത്. ഒരു മുന്നേറ്റവും ഉണ്ടാകുന്നില്ല'. കോടിയേരി പറഞ്ഞു.