വാഷിങ്ടണ്‍: മുതിര്‍ന്ന മാധ്യമപ്രവര്‍ത്തകന്‍ ജമാല്‍ ഖഷോഗിയുടെ വധത്തില്‍ വീണ്ടും സഊദിക്കെതിരേ യു.എസ്.
സംഭവത്തില്‍ സഊദിയുടെ ഭാഷ്യം തങ്ങള്‍ വിശ്വസിക്കുന്നില്ലെന്ന് യു.എസ് ആഭ്യന്തര വകുപ്പിലെ മുതിര്‍ന്ന ഉദ്യോഗസ്ഥന്‍ വ്യക്തമാക്കി.
ഖഷോഗി വധത്തില്‍ അറസ്റ്റിലായ 11 പേരുടെ വിചാരണ കഴിഞ്ഞ ദിവസം സഊദി തലസ്ഥാനമായ റിയാദില്‍ ആരംഭിച്ചിരുന്നു. നേരത്തെ യു.എസ് രഹസ്യാന്വേഷണ ഏജന്‍സി സി.ഐ.എയും സഊദി നിലപാടില്‍ സംശയം രേഖപ്പെടുത്തിയിരുന്നു.

അതിനിടെ, പശ്ചിമേഷ്യന്‍ പര്യടനത്തിന്റെ ഭാഗമായി സഊദിയിലെത്തിയ യു.എസ് വിദേശകാര്യ സെക്രട്ടറി മൈക് പോംപിയോ കേസന്വേഷണം സുതാര്യവും വിശ്വസനീയവുമായിരിക്കണമെന്ന് ഊന്നിപ്പറഞ്ഞു.