കോഴിക്കോട്: ഇന്ത്യന്‍ ഡെന്റല്‍ അസോസിയേഷന്‍ (ഐ.ഡി.എ) സംസ്ഥാന സമ്മേളനം 'മിലന്‍ 2019' ഇന്ന് സമാപിക്കും.
സമ്മേളനത്തോടനുബന്ധിച്ച് സ്വപ്ന നഗരി കാലിക്കറ്റ് ട്രേഡ് സെന്ററില്‍ ഒരുക്കിയ ഡെന്റല്‍ ട്രേഡ് ഫെയര്‍ മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. ശാസ്ത്ര പരിജ്ഞാന പരിപാടിയുടെ ഉദ്ഘാടനം കെ.എം.സി.ടി ഗ്രൂപ്പ് സി.ഇ.ഒ ഡോ.കെ.എം നവാസും, പൊതുജനങ്ങള്‍ക്കായുള്ള ആര്‍ട് ഗാലറി കാലിക്കറ്റ് ട്രേഡ് സെന്റര്‍ മാനേജിങ് ഡയരക്ടര്‍ മുഹമ്മദ് അബ്ദുല്‍ സലീം ഫൈസലും നിര്‍വഹിച്ചു. സംസ്ഥാന പ്രസിഡന്റ് ഡോ.സിജു കെ. പൗലോസ് അധ്യക്ഷനായി.

മലബാര്‍ പാലസില്‍ നടന്ന സമ്മേളനോദ്ഘാടനം കഴിഞ്ഞ ദിവസം ദേശീയ പ്രസിഡന്റ് ഡോ.ദീപക് മഖിജാനി നിര്‍വഹിച്ചു. കോഴിക്കോട് ഐ.ഐ.എം ഡയരക്ടര്‍ ദേബാശിഷ് ചാറ്റര്‍ജി മുഖ്യാതിഥിയായി. ഡോ.സംഗീത് ചെറിയാന്‍, ഡോ.എസ് ശ്രീകാന്ത്, ഡോ.ആന്റണി തോമസ്, ഡോ.എം. രവീന്ദ്രനാഥ്, ഡോ.വിനോദ് മാത്യു, ഡോ.ജി. സുരേഷ്‌കുമാര്‍, ഡോ.ജി.എസ് അഭിലാഷ്, ഡോ.കെ.ടി സുധീര്‍, ഡോ.കെ.ആര്‍ ദിനേശ് സംബന്ധിച്ചു.
സമ്മേളനത്തില്‍ 8000 ത്തിലധികം പ്രതിനിധികള്‍ പങ്കെടുക്കുന്നുണ്ട്. പുതിയ സംസ്ഥാന ഭാരവാഹികളെ ഇന്ന് തിരഞ്ഞെടുക്കും.