വല്ലപ്പുഴ: മാരായമംഗലം വാരിയത്തൊടി പ്രദേശത്ത് പുതുതായി നിര്‍മ്മിച്ച മസ്ജിദിന്റെ ഉദ്ഘാടനം സമസ്ത മുശാവറ അംഗം എം.പി കുഞ്ഞിമുഹമ്മദ് മുസ്്്‌ലിയാര്‍ നിര്‍വ്വഹിച്ചു. മാരായമംഗലം കേന്ദ്രമഹല്ല് പ്രസിഡന്റ് മരക്കാര്‍ മാരായമംഗലം അധ്യക്ഷനായി. ഉദ്ഘാടന ചടങ്ങില്‍ മാരായമംഗലം മുദരിസ്സ് വി.കെ അഹമ്മദ് ദാരിമി മുഖ്യ പ്രഭാഷണം നടത്തി. വാരിയത്തൊടി മമ്മി ഹാജി, സി കുഞ്ഞാനു, എ മൊയ്തീന്‍ കുട്ടി, പാറയില്‍ മാനു ഹാജി, വി.എ ബക്കര്‍, കെ കുഞ്ഞാലന്‍ എന്നിവര്‍ പങ്കെടുത്തു.