തൊടുപുഴ: മജ്‌ലിസുന്നൂര്‍ ഉദ്ഘാടനവും രിഫാഇ അനുസ്മരണവും നാളെ പട്ടയംകവല ആര്‍പ്പാമറ്റത്ത് നടക്കും. രാത്രി 8 ന് ആര്‍പ്പാമറ്റം ഉസ്താദ് അബ്ദുല്‍ കരീം അന്‍വരിയുടെ വസതിക്ക് സമീപം നടക്കുന്ന സമ്മേളനം മഹല്ല് ജമാഅത്ത് ഖത്തീബ് അബ്ദുല്‍ കബീര്‍ റഷാദി ഉദ്ഘാടനം ചെയ്യും. അബ്ദുല്‍ കരീം മുസ്‌ലിയാര്‍ അധ്യക്ഷത വഹിക്കും. ഹൈദര്‍ ഉസ്താദ് കുന്നം ദുആയ്ക്ക് നേതൃത്വം നല്‍കും.
കെ.ഇ മുഹമ്മദ് മുസ്‌ലിയാര്‍ ആമുഖ പ്രഭാഷണവും പാനായിക്കുളം ജുമാ മസ്ജിദ് ഇമാം സുല്‍ഫിക്കര്‍ റഹ്മാനി മുഖ്യപ്രഭാഷണവും നിര്‍വഹിക്കും. യൂനുസ് മന്നാനി, അബ്ദുറഹ്മാന്‍ സഅ്ദി, പി.എസ്. സുബൈര്‍, പി.ഇ. ഹുസൈന്‍, അഷ്‌റഫ് മന്നാനി, ഇടവെട്ടി ഗ്രാമപഞ്ചായത്ത് പ്രസിഡന്റ് ലത്തീഫ് മുഹമ്മദ്, അബ്ദുല്‍ സത്താര്‍ ബാഖവി, ഹനീഫ് കാശിഫി, റ്റി.കെ. അബ്ദുല്‍ കബീര്‍ മൗലവി, ഹബീബ് റഹ്മാന്‍ മദനി, നൗഷാദ് ഫൈസി, സിയാദ് മുട്ടത്തുകുന്നേല്‍ എന്നിവര്‍ സംബന്ധിക്കും. ഷിനാജ് കെ.ജെ സ്വാഗതവും അലി എം.ഇ. നന്ദിയും പറയും.