കഴക്കൂട്ടം: ടെക്‌നോപാര്‍ക്ക് പരിസരങ്ങളില്‍ ജീവനക്കാര്‍ക്ക് ഉള്‍പ്പെടെ ലഹരി വസ്തുക്കളും കഞ്ചാവും വില്‍പന നടത്തിയ മുട്ടത്തറ കമലേശ്വരം ടി.സി 43 221 3 ല്‍ വൈശാഖം വീട്ടില്‍ സെയ്ദാലി എന്നു വിളിക്കുന്ന സബിന്‍ (21)നെ കഴക്കൂട്ടം എക്‌സൈസ് സംഘം പിടികൂടി. സ്‌കൂട്ടറില്‍ വില്‍പനയ്ക്കായി കടത്തുകയായിരുന്ന കഞ്ചാവും 10 എല്‍.എസ്.സി സ്റ്റാമ്പുകളും പിടിച്ചെടുത്തു.
കഴക്കൂട്ടം എക്‌സൈസ് ഇന്‍സ്‌പെക്ടര്‍ പ്രതീപ് റാവു, അസിസ്റ്റന്റ് ഇന്‍സ്‌പെക്ടര്‍ ടി.ആര്‍ മുകേഷ്‌കുമാര്‍, ഓഫിസര്‍മാരായ ഹരികുമാര്‍, സന്തോഷ് കുമാര്‍ സംഘമാണ് പ്രതിയെ പിടികൂടിയത്.