കൊല്‍ക്കത്ത: ഐലീഗില്‍ ഇന്നലെ നടന്ന മത്സരങ്ങളില്‍ നെരോക്ക എഫ്.സിക്ക് ജയം. മോഹന്‍ ബഗാന് സമനില.
നെരോക്കയുടെ ഹോം ഗ്രൗണ്ടില്‍ നടന്ന മത്സരത്തില്‍ എതിരില്ലാത്ത ഒരു ഗോളിന് റിയല്‍ കശ്മിരിനെയാണ് അവര്‍ പരാജയപ്പെടുത്തിയത്. മത്സരത്തിന്റെ 62ാം മിനുട്ടില്‍ ദിവാരയാണ് നെരോക്കയ്ക്ക് വേ@ണ്ടി ഗോള്‍ നേടിയത്. നെരോകയുടെ ലീഗിലെ രണ്ട@ാം ജയമാണിത്. ഈ വിജയത്തോടെ എട്ടു പോയിന്റുമായി നെരോക്ക ലീഗില്‍ ഗോകുലത്തെ മറികടന്ന് എട്ടാം സ്ഥാനത്തെത്തി.
റിയല്‍ കശ്മിരിന് ആറ് മത്സരങ്ങള്‍ കഴിഞ്ഞപ്പോള്‍ ആറ് പോയിന്റ് മാത്രമേ ഉള്ളൂ. മറ്റൊരു മത്സരത്തില്‍ ഐ ലീഗിലെ ഒന്നാം സ്ഥാനക്കാരായ മോഹന്‍ ബഗാന് സമനില വഴങ്ങേണ്ടി വന്നു. പഞ്ചാബ് എഫ്.സിയാണ് ബഗാനെ സമനിലയില്‍ തളച്ചത്.
സമനില വഴങ്ങിയെങ്കിലും ബഗാന്‍ തന്നെയാണ് ഇപ്പോഴും ലീഗില്‍ ഒന്നാമത്. ഏഴു മത്സരങ്ങള്‍ കളിച്ച മോഹന്‍ ബഗാന്‍ 14 പോയിന്റുമായാണ് ലീഗില്‍ ഒന്നാമത് നില്‍ക്കുന്നത്.