വയനാട്: വെടിയേറ്റ് ചികിത്സയിലായിരുന്ന യുവാവ് മരിച്ചു. വാകേരി തേന്‍കുഴി കറുപ്പന്‍ കാരായില്‍ ചന്ദ്രന്റെ മകന്‍ പ്രദീപ് (24) ആണ് മരിച്ചത്. തിങ്കളാഴ്ച്ച രാത്രിയിലാണ് പ്രദീപിന് വെടിയേറ്റത്. സംഭവവുമായി ബന്ധപ്പെട്ട് പ്രദീപിന്റെ പിതൃസഹോദരനായ കുഞ്ഞിരാമനെ പൊലിസ് അറസ്റ്റു ചെയ്തു.

കാട്ടാനയെ തുരത്തുന്നതിനിടയില്‍ അബദ്ധത്തില്‍ വെടിയേറ്റ പ്രസാദിനെ കല്‍പ്പറ്റ വിംസ് ആശുപത്രിയില്‍ പ്രവേശിപ്പിക്കുകയും അടിയന്തിര ശസ്ത്രക്രിയക്ക് വിധേയമാക്കുകയും ചെയ്തിരുന്നു. തുടര്‍ന്ന് ഇന്ന് പുലര്‍ച്ചെ മൂന്ന് മണിയോടെയാണ് മരിച്ചത്. വെടിയുതിര്‍ത്ത കുഞ്ഞിരാമനെതിരെ മനപൂര്‍വ്വമല്ലാത്ത നരഹത്യക്ക് കേസെടുത്തു.