കൊടുങ്ങല്ലൂര്‍: എം.എല്‍.എയെന്ന വ്യാജേന ഫോണ്‍ വിളിച്ച് പണം തട്ടാന്‍ ശ്രമം. കൊടുങ്ങല്ലൂര്‍ താലൂക്ക് ഗവ.ആശുപത്രി സൂപ്രണ്ട് ഡോ. ടി.വി റോഷിനെയാണ് കബളിപ്പിക്കാന്‍ ശ്രമിച്ചത്. വി.ആര്‍ സുനില്‍ കുമാര്‍ എം.എല്‍.എയാണെന്ന് പരിചയപ്പെടുത്തിയ ആള്‍ കൊടുങ്ങല്ലൂരില്‍ സംഘടിപ്പിക്കുന്ന സമൂഹ വിവാഹ ചടങ്ങില്‍ പങ്കെടുക്കണമെന്നും പരിപാടിയുടെ നടത്തിപ്പിനായി സാമ്പത്തിക സഹായം നല്‍കണമെന്നും ആവശ്യപ്പെടുകയായിരുന്നു.
സംശയം തോന്നിയ ഡോക്ടര്‍ നടത്തിയ അന്വേഷണത്തില്‍ ഫോണ്‍വിളിച്ചത് എം.എല്‍.എ അല്ലെന്ന് മനസിലായത്. സംഭവത്തെ കുറിച്ച് ഡോ. ടി.വി റോഷ് കൊടുങ്ങല്ലൂര്‍ പൊലിസില്‍ പരാതി നല്‍കി.