വെങ്ങപ്പള്ളി: ഉത്തമ സമൂഹത്തെ രൂപപ്പെടുത്തുന്നതില്‍ സാഹിത്യങ്ങള്‍ക്കും പ്രസിദ്ധീകരണങ്ങള്‍ക്കുമുള്ള പങ്ക് നിസ്തുലമാണെന്ന് എസ്.വൈ.എസ് സംസ്ഥാന ട്രഷറര്‍ ഹാജി കെ മമ്മദ് ഫൈസി പറഞ്ഞു. എസ്.വൈ.എസിന്റെ മുഖപത്രമായ സുന്നി അഫ്കാര്‍ വാരികയുടെ ത്രൈമാസ കാംപയിന്റെ ഭാഗമായി സംഘടിപ്പിച്ച സ്ഥാപന പര്യടനത്തിന്റെ ജില്ലാതല ഉദ്ഘാടനം വെങ്ങപ്പള്ളി ശംസുല്‍ ഉലമാ ഇസ്്‌ലാമിക് അക്കാദമിയില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം. പിണങ്ങോട് അബൂബക്കര്‍ അധ്യക്ഷനായി. അലവി ഫൈസി കുളപ്പറമ്പ്, കെ.ടി കുഞ്ഞിമോന്‍ ഹാജി, ബുശൈര്‍ പൂക്കോട്ടൂര്‍ സംസാരിച്ചു. വരിക്കാരെ ചേര്‍ക്കുന്നതിനുള്ള ഫോമുകളുടെ വിതരണം കെ.വി ജഅ്ഫര്‍ ഹൈതമിക്ക് നല്‍കി മമ്മദ് ഫൈസി നിര്‍വഹിച്ചു. സാബിത് റഹ്മാനി പ്രാര്‍ഥന നടത്തി. ഹാരിസ് ബാഖവി കമ്പളക്കാട് സ്വാഗതവും ഇബ്‌റാഹിം ഫൈസി പേരാല്‍ നന്ദിയും പറഞ്ഞു. മില്ലുമുക്ക് ജവാഹിറുല്‍ ഉലും അറബിക് കോളജ്, ഇമാം ഗസ്സാലി അക്കാദമി കൂളിവയല്‍, ദാറുല്‍ ഉലൂം അറബിക് കോളജ് സുല്‍ത്താന്‍ ബത്തേരി, ശിഹാബ് തങ്ങള്‍ മജ്‌ലിസ് വാകേരി, സആദാ വാരാമ്പറ്റ എന്നീ സ്ഥാപനങ്ങളിലും പര്യടനം നടത്തി. കേന്ദ്രങ്ങളില്‍ കെ.ടി ഹംസ മുസ്്‌ലിയാര്‍, ആനമങ്ങാട് അബൂബക്കര്‍ മുസ്്‌ലിയാര്‍, ടി.സി ഉസ്മാന്‍ ഫൈസി, ഇ അബൂബക്കര്‍ ഫൈസി, അബ്ദുല്ലത്തീഫ് ഗസ്സാലി, മുഹമ്മദലി ഗസ്സാലി, സുബൈര്‍ ഫൈസി പുല്‍പ്പള്ളി, എ.കെ മുഹമ്മദ് ദാരിമി, വി.കെ അബ്ദുറഹിമാന്‍ ദാരിമി, കെ.എ നാസിര്‍ മൗലവി, നൗഷാദ് മൗലവി, ടി.കെ അബൂബക്കര്‍ മൗലവി, അലി ഹൈതമി, പി.എ ആലിഹാജി, കെ.പി തറുവൈക്കുട്ടി, ആലിക്കുഞ്ഞി സംസാരിച്ചു.