ഫൈസാബാദ് (പട്ടിക്കാട്): പട്ടിക്കാട് ജാമിഅ നൂരിയ്യ അറബിയ്യയുടെ 57-ാം വാര്‍ഷിക 55ാം സനദ് ദാന സമ്മേളനത്തിന് ഫൈസാബാദ് പി.എം.എസ്.എ പൂക്കോയ തങ്ങള്‍ നഗറില്‍ ഇന്നു തുടക്കമാകും. വൈകിട്ട് നാലിനു പാണക്കാട് സയ്യിദ് ഹൈദരലി ശിഹാബ് തങ്ങള്‍ പതാക ഉയര്‍ത്തും.
എസ്.വൈ.എസ് ആമില അംഗങ്ങളുടെ സമ്പൂര്‍ണ വാര്‍ഷിക സംഗമം ഇന്നു രാവിലെ ഒന്‍പതിനു നടക്കും. പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. കോട്ടുമല മൊയ്തീന്‍ കുട്ടി മുസ്‌ലിയാര്‍ അധ്യക്ഷനാവും. അബ്ദുല്‍ അസീസ് മുസ്‌ലിയാര്‍ മൂത്തേടം, അബ്ദുസ്സലാം ഫൈസി ഒളവട്ടൂര്‍, സി. ഹംസ, അബൂബക്കര്‍ ഫൈസി മലയമ്മ, ഹംസ റഹ്മാനി കൊണ്ടിപറമ്പ് എന്നിവര്‍ വിവിധ സെഷനുകളില്‍ സംസാരിക്കും. വൈകിട്ട് നാലിനു നടക്കുന്ന സിയാറത്തിനു കെ.പി.സി തങ്ങള്‍ വല്ലപ്പുഴ നേതൃത്വം നല്‍കും. തുടര്‍ന്ന് നടക്കുന്ന ഉദ്ഘാടന സമ്മേളനം അബൂ ആസിം ആസ്മി മഹാരാഷ്ട്ര ഉദ്ഘാടനം ചെയ്യും. സയ്യിദ് സഫ്ദര്‍ അലി ഖാസിമി അല്‍ ഹുസൈനി മുഖ്യാഥിതിയാകും.