മലപ്പുറം: മലപ്പുറം നഗരസഭ ഭരണ സമിതിയുടെ മൂന്നാം വാര്‍ഷികാഘോഷ പരിപാടി 'ജനകീയ വികസനത്തിന്റെ മൂന്ന് വര്‍ഷങ്ങള്‍' പി.കെ കുഞ്ഞാലിക്കുട്ടി എംപി. ഉദ്ഘാടനം ചെയ്തു. നഗരസഭയുടെ മൂന്നു വര്‍ഷത്തെ വികസന പദ്ധതികളെ ആസ്പദമാക്കി തയാറാക്കിയ ഡോക്യൂമെന്ററി പ്രകാശനവും അദ്ദേഹം നിര്‍വഹിച്ചു.  പി ഉബൈദുല്ല എംഎല്‍എ അധ്യക്ഷനായി. ഉപഹാര സമര്‍പ്പണം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിച്ചു. ചെയര്‍പേഴ്‌സണ്‍ സിഎച്ച് ജമീല ടീച്ചര്‍ സ്വാഗതം പറഞ്ഞു. കുടുംബശ്രീയെ ആദരിക്കല്‍ നഗരസഭ വൈസ് ചെയര്‍മാന്‍ പെരുമ്പള്ളി സൈത് നിര്‍വഹിച്ചു.  സ്ഥിരം സമിത അധ്യക്ഷന്മാരായ മറിയുമ്മ ശരീഫ്, പരി അബ്ദുല്‍മജീദ്, പിഎ സലീം എന്ന ബാപ്പുട്ടി, ഫസീന കുഞ്ഞിമുഹമ്മദ്, റജീന ഹുസൈന്‍, ഹാരിസ് ആമിയന്‍, ഒ സഹദേവന്‍, സലീന റസാഖ്, രാജു, മന്നയില്‍ അബൂബക്കര്‍, ഉപ്പൂടന്‍ ഷൗക്കത്ത്, സിഡിഎസ് പ്രസിഡന്റുമാരായ വികെ ജമീല, ഖദീജ, മുഹമ്മദ്കുട്ടി, ബാലസുബ്രഹ്മണ്യന്‍ പ്രസംഗിച്ചു.
സെക്രട്ടറി എന്‍.കെ കൃഷ്ണകുമാര്‍ റിപ്പോര്‍ട്ട് അവതരിപ്പിച്ചു. കാലിക്കറ്റ് ബീറ്റ്‌സ് ഓഫ് കേരള അവതരിപ്പിച്ച കലാനിശയും അരങ്ങേറി.