ദുബൈ: ഇംഗ്ലണ്ടിന്റെ ഓള്‍ റൗണ്ടര്‍ ബെന്‍ സ്റ്റോക്‌സിനെ ഐ.സി.സിയുടെ പ്ലയര്‍ ഓഫ് ദ ഇയറായി തിരഞ്ഞെടുത്തു. കഴിഞ്ഞ വര്‍ഷം ഇംഗ്ലണ്ട@ിനു വേ@ണ്ടി വ്യത്യസ്ത ഫോര്‍മാറ്റുകളില്‍ നടത്തിയ ഗംഭീര പ്രകടനമാണ് താരത്തെ അംഗീകാരത്തിന് അര്‍ഹനാക്കിയത്.
മികച്ച ഏകദിന താരത്തിനുള്ള പുരസ്‌കാരം ഇന്ത്യന്‍ വൈസ് ക്യാപ്റ്റനും ഓപ്പണറുമായ രോഹിത് ശര്‍മ സ്വന്തമാക്കി. ടി20 ക്രിക്കറ്റിലെ മികച്ച പെര്‍ഫോമന്‍സിനുള്ള അവാര്‍ഡ് ഇന്ത്യന്‍ പേസര്‍ ദീപക് ചഹറിനു ലഭിച്ചപ്പോള്‍ ഐ.സി.സിയുടെ സ്പിരിറ്റ് ഓഫ് ക്രിക്കറ്റ് അവാര്‍ഡ് നായകന്‍ വിരാട് കോഹ്‌ലിക്കാണ്. ബെന്‍ സ്‌റ്റോക്‌സിന്റെ കരിയറിലെ സുവര്‍ണ വര്‍ഷമായിരുന്നു 2019.
സ്വന്തം നാട്ടില്‍ നടന്ന ഐ.സി.സിയുടെ ഏകദിന ലോകകപ്പില്‍ ഇംഗ്ല@ണ്ടിനെ ചാംപ്യന്‍മാരാക്കുന്നതില്‍ സ്റ്റോക്‌സ്‌നിര്‍ണായക പങ്കുവഹിച്ചിരുന്നു. ത്രില്ലിങ് ഫൈനലില്‍ ന്യൂസിലാന്‍ഡിനെ മറികടന്ന് ഇംഗ്ല@ണ്ട് ജേതാക്കളായപ്പോള്‍ മാന്‍ ഓഫ് ദി മാച്ചായി തിരഞ്ഞെടുക്കപ്പെട്ടതും സ്റ്റോക്‌സായിരുന്നു.
ലോകകപ്പില്‍ മാത്രമല്ല ആസ്‌ത്രേലിയക്കെതിരേയുള്ള ആഷസ് ടെസ്റ്റ് പരമ്പരയിലും ഉജ്ജ്വല പ്രകടനമായിരുന്നു താരം കാഴ്ചവച്ചത്. ഐ.സി.സിയുടെ മികച്ച കളിക്കാനുള്ള സര്‍ ഗാര്‍ഫീല്‍ഡ് സോബേഴ്‌സ് ട്രോഫിക്കു അവകാശിയായ മൂന്നാമത്തെ ഇംഗ്ല@ണ്ട് താരമാണ് സ്റ്റോക്‌സ്. ആന്‍ഡ്രു ഫ്‌ളിന്റോഫ്, ജൊനാതന്‍ ട്രോട്ട് എന്നിവരാണ് നേരത്തേ ഈ പുരസ്‌കാരത്തിനു അവകാശികളായിട്ടുള്ളത്. ഏകദിനത്തില്‍ രോഹിത് റണ്‍ മഴ പെയ്യിച്ച വര്‍ഷമായിരുന്നു 2019. കഴിഞ്ഞ വര്‍ഷം ഏകദിനത്തില്‍ ഏറ്റവുമധികം റണ്‍സ് വാരികൂട്ടിയത് രോഹിത് ആയിരുന്നു. 28 മത്സരങ്ങളില്‍ നിന്ന് ഏഴു സെഞ്ചുറികളടക്കം 1409 റണ്‍സാണ് രോഹിത് അടിച്ചെടുത്തത്. ലോകകപ്പില്‍ അഞ്ചു സെഞ്ചുറികളുമായി താരം ലോക റെക്കോര്‍ഡ് കുറിക്കുകയും ചെയ്തിരുന്നു. കഴിഞ്ഞ വര്‍ഷം ടി20യിലെ മികച്ച പ്രകടനത്തിനുള്ള പുരസ്‌കാരം ചഹറിന് നേടിക്കൊടുത്തത് ബംഗ്ലാദേശിനെതിരേ നാട്ടില്‍ നടന്ന മത്സരത്തിലെ അവിശ്വസനീയ ബൗളിങ് പ്രകടനമായിരുന്നു. നാഗ്പൂരില്‍ നടന്ന മത്സരത്തില്‍ ഏഴു റണ്‍സ് മാത്രം വിട്ടുകൊടുത്ത ചഹര്‍ ഹാട്രിക്കുള്‍പ്പെടെ ആറു വിക്കറ്റുകളായിരുന്നു കൊയ്തത്.
ടെസ്റ്റ് ക്രിക്കറ്റിലെ മികച്ച താരത്തിനുള്ള പുരസ്‌കാരം ആസ്‌ത്രേലിയയുടെ സ്റ്റാര്‍ പേസര്‍ പാറ്റ് കമ്മിന്‍സിനാണ്. 12 ടെസ്റ്റുകളില്‍ നിന്ന് 59 വിക്കറ്റുകളാണ് കഴിഞ്ഞ വര്‍ഷം കമ്മിന്‍സ് കൊയ്തത്. ഈ പ്രകടനം ഐ.സി.സിയുടെ ടെസ്റ്റ് ബൗളര്‍മാരുടെ റാങ്കിങില്‍ അദ്ദേഹത്തെ ഒന്നാംസ്ഥാനത്ത് എത്തിക്കുകയും ചെയ്തിരുന്നു.