കുന്നംകുളം:പൊലീസ് കസ്റ്റഡിയിലെടുത്ത കെ.എസ്.ആര്‍.ടി ബസ് നഗരത്തില്‍ ഗതാഗത കുരുക്കും അപകട ഭീഷണിയും സൃഷ്ടിച്ചു.
ചൂണ്ടല്‍ കുറ്റിപ്പുറം സംസ്ഥാന പാതയില്‍ അക്കിക്കാവിലുണ്ടായ അപകടത്തെ തുടര്‍ന്ന് കസ്റ്റഡിയിലെടുത്ത കെ.എസ്.ആര്‍.ടി.സി ബസ് പൊലിസ് സ്റ്റേഷനു മുന്നിലെ റോഡിനു നടുവിലായി നിര്‍ത്തിയിട്ട് വിദ്യാര്‍ഥികള്‍ക്കും യാത്രക്കാര്‍ക്കും ഗതാഗത തടസവും അപകട ഭീഷിണി സൃഷ്ഠിച്ചു.പൊലിസ് സ്റ്റേഷനു മുന്നിലെ ഈ അനാസ്ഥക്ക് എതിരെ യാത്രക്കാരും വിദ്യാര്‍ഥികളും വലിയ പ്രതിഷേധവുമായി രംഗത്ത് എത്തിയിരുന്നു .കഴിഞ്ഞ ദിവസം വടക്കാഞ്ചേരി റോഡില്‍ ഓട്ടോറിക്ഷ റോഡിലേക്ക് കയറ്റി പാര്‍ക്ക് ചെയിതു എന്നാരോപിച്ചു ഓട്ടോ ഡ്രൈവര്‍മാര്‍ക്കെതിരെ നടപടി എടുത്തതിനെ തുടര്‍ന്ന് ഓട്ടോ തൊഴിലാളികള്‍ നഗരത്തില്‍ മിന്നല്‍ പണിമുടക്ക് നടത്തിയിരുന്നു ഈ സമരം സി.ഐ ഇടപെട്ടാണ് പരിഹരിച്ചത് . പൊതുജനങ്ങള്‍ റോഡ് നിയമങ്ങള്‍ ലംഘിച്ചാല്‍ കര്‍ശന നടപടിയെടുക്കുന്ന കുന്നംകുളം പൊലിസ് തന്നെ ഇത്തരത്തിലുള്ള പ്രവര്‍ത്തികള്‍ ചെയുന്നത് ശരിയായ കാര്യമല്ലായെന്നു ജനങ്ങള്‍ കുറ്റപ്പെടുത്തി