പെരുമ്പിലാവ്: ചൂണ്ടല്‍-കുറ്റിപ്പുറം സംസ്ഥാന പാതയില്‍ അക്കിക്കാവ് ക്ഷേത്രത്തിനു സമീപം നിയന്ത്രണം വിട്ട കാര്‍ കെ.എസ്.ആര്‍.ടി.സി ബസ്സിലിടിച്ച് കാര്‍ ഡ്രൈവര്‍ക്കു പരിക്കേറ്റു. അപകടത്തെ തുടര്‍ന്ന് മണിക്കൂറുകളോളം മേഖലയില്‍ ഗതാഗതം സ്തംഭിച്ചു.
ഇന്ന് രാവിലെ പത്തുമണിയോടെയാണ് അക്കിക്കാവ് ക്ഷേത്രത്തിനു സമീപം നിയന്ത്രണം വിട്ട കാര്‍ കെ.എസ്.ആര്‍.ടി.സി ബസ്സിലിടിച്ചത്. അപകടത്തെ തുടര്‍ന്ന് പരിക്കേറ്റ ഡ്രൈവര്‍ കണ്ണൂര്‍ പയ്യാവ് മുതുകാട്ടില്‍ തോമസിനെ (54) പരിക്കുകളോടെ കുന്നംകുളത്തെ സ്വകാര്യ ആശുപത്രയില്‍ പ്രവേശിപ്പിച്ചു . പെരിന്തല്‍മണ്ണയില്‍ നിന്ന് തൃശൂരിലേക്ക് പോവുകയായിരുന്നു ബസ്. കോട്ടയത്തു നിന്നും കണ്ണൂരിലേക്ക് കുടുംബവുമായി വന്നിരുന്ന കാറിനു നിയന്ത്രണം നഷ്ടപ്പെട്ടതിനെ തുടര്‍ന്ന് ബസ്സിന്റെ മധ്യഭാഗത്ത് ഇടിക്കുകയായിരുന്നു. അപകടത്തെ തുടര്‍ന്ന് മേഖലയില്‍ ഒരു മണിക്കൂറോളം ഗതാഗതം സ്തംഭിച്ചു.പൊലിസില്‍ വിവരമറിയിച്ചിരുന്നെങ്കിലും എത്താത്തതിനെ തുടര്‍ന്ന് നാട്ടുകാര്‍ രംഗത്തിറങ്ങി ഗതാഗതം നിയന്ത്രിക്കുകയായിരുന്നു. ആംബുലന്‍സ് അടക്കമുള്ള വാഹനങ്ങളാണ് കുരുക്കില്‍ പെട്ട് മണിക്കൂറുകളോളം കാത്തുനില്‍ക്കേണ്ടതായി വന്നത്. പൊലിസില്‍ വിവരമറിയിച്ചിരുന്നെങ്കിലും എത്താത്തതിനെ തുടര്‍ന്ന് നാട്ടുകാര്‍ രംഗത്തിറങ്ങി ഗതാഗതം നിയന്ത്രിക്കുകയായിരുന്നു. തുടര്‍ന്ന് വാഹനങ്ങള്‍ നിയന്ത്രിച്ചു നാട്ടുകാര്‍ തന്നെ ഗതാഗതം പുനഃസ്ഥാപിച്ചു. പരിക്കേറ്റവരെ ആശുപത്രിയില്‍ എത്തിച്ചതും നാട്ടുകാര്‍ തന്നെയാണ്.