ഒറ്റപ്പാലം: അസാധുവാക്കിയ പഴയ നോട്ടുകള്‍ പാടത്ത് ഉപേക്ഷിച്ച നിലയില്‍ കണ്ടെത്തി. അഞ്ഞൂറിന്റേയും ആയിരത്തിന്റേയും ഒന്നര ലക്ഷം രൂപയാണ് കൂനത്തറ ആര്യങ്കാവ് റോഡിന് സമീപം ഇന്നലെ രാവിലെ ഉപേക്ഷിക്കപ്പെട്ട നിലയില്‍ കണ്ടെത്തിയത്. നോട്ടുകള്‍ എല്ലാം കീറിയ നിലയിലായിരുന്നു. അഞ്ഞൂറിന്റെ 40 നോട്ടുകളും ബാക്കി ആയിരത്തിന്റെ നോട്ടുകളുമാണ് ഉണ്ടായിരുന്നത്. നാട്ടുകാര്‍ വിവരം അറിയിച്ചതിനെ തുടര്‍ന്ന് ഷൊര്‍ണൂര്‍ പൊലിസ് സ്ഥലത്തെത്തി. എസ് ബി ഐ മാനേജര്‍ സ്ഥലത്തെത്തി നോട്ടുകള്‍ കള്ള നോട്ടുകളല്ലെന്ന് സ്ഥിരികരിച്ചു. സംഭവത്തെ കുറിച്ച് സമഗ്ര അന്വേഷണം നടത്തുമെന്ന് ഷൊര്‍ണീര്‍ എസ് ഐ അറിയിച്ചു.