കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റിയുടെ ആഭിമുഖ്യത്തില്‍ കുറ്റ്യാടി കൊടക്കല്‍ ദാറുറഹ്മ അറബിക് കോളജില്‍ ഇന്നു റമദാന്‍ പ്രഭാഷണത്തിന് രാവിലെ തുടക്കമാകും. കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
കെ.കെ ഇബ്രാഹീം മുസ്‌ലിയാര്‍ അധ്യക്ഷനാവും. മുഹമ്മദ് സ്വാലിഹ് വയനാട് പ്രഭാഷണം നടത്തും. നാളെ മുനീര്‍ ഹുദവി വിളയില്‍ പ്രഭാഷണം നടത്തും. 13ന് സമസ്ത കേന്ദ്ര മുശാവറ അംഗം ഉമര്‍ ഫൈസി മുക്കം ഉദ്ഘാടനം ചെയ്യും. സി.എസ്.കെ തങ്ങള്‍ പ്രാര്‍ഥന നടത്തും. മുബശ്ശിര്‍ അസ്‌ലമി കള്ളിക്കൂടം പ്രഭാഷണം നടത്തും.