റിയാദ്: മേഖലയിലെ ഏറ്റവും വലുതും ശക്തവുമായ സമ്പത് വ്യവസ്ഥ സഊദിയുടേത്. കഴിഞ്ഞ വര്‍ഷത്തെ കണക്കുകള്‍ പ്രകാരം
കഴിഞ്ഞ വര്‍ഷത്തെ കണക്കുകള്‍ പ്രകാരം രാജ്യത്തിന്റെ മൊത്തം ആഭ്യന്തരോല്‍പാദനം 78,400 കോടി ഡോളര്‍ ആണ്. രണ്ടാം സ്ഥാനം തുര്‍ക്കിയും മൂന്നാം സ്ഥാനം യു എ ഇയുമാണ് നേടിയത്. 2018 ല്‍ സഊദിയുടെ മൊത്തം ആഭ്യന്തരോല്‍പാദനം 78,400 കോടി ഡോളര്‍ ആണെങ്കില്‍ തുര്‍ക്കിയുടേത് 71,300 കോടി ഡോളറും യു.എ.ഇയുടെത് 43,200 കോടി ഡോളറുമാണ്.
നാലാം സ്ഥാനം നേടിയത് ഇറാനാണ്. 43,000 കോടി ഡോളറാണ് കഴിഞ്ഞ വര്‍ഷത്തെ ഇറാന്റെ മൊത്തം ആഭ്യന്തരോല്‍പാദനം. ഈജിപ്ത് (24,900 കോടി ഡോളര്‍), ഇറാഖ് (23,000 കോടി), ഖത്തര്‍ (18,800 കോടി), കുവൈത്ത് (14,400 കോടി), ഒമാന്‍ (8,100 കോടി), ലെബനോന്‍ (5,600 കോടി), ലിബിയ (4,300 കോടി), ജോര്‍ദാന്‍ (4,100 കോടി), ബഹ്‌റൈന്‍ (3,900 കോടി), യെമന്‍ (2,800 കോടി) എന്നീ രാജ്യങ്ങളാണ് ആറ് മുതല്‍ 14 വരെ സ്ഥാനങ്ങളില്‍.
അതേസമയം, ഈവര്‍ഷം മൊത്തം ആഭ്യന്തരോല്‍പാദനത്തില്‍ 6.4 ശതമാനം വളര്‍ച്ചയാണ് ധനമന്ത്രാലയം പ്രതീക്ഷിക്കുന്നത്.