കല്‍പ്പറ്റ: കേരള സംസ്ഥാന തൊഴില്‍ വകുപ്പും ജില്ലാ ലീഗല്‍ സര്‍വിസസ് അതോറിറ്റിയും ചൈല്‍ഡ്‌ലൈനും സംയുക്തമായി അന്തര്‍ദേശീയ ബാലവേല വിരുദ്ധദിനത്തിന്റെ ഭാഗമായി നാളെ പൊഴുതന ഇടിയംവയല്‍ കമ്മ്യൂണിറ്റി ഹാളില്‍ വെച്ച് ബാലവേല വിരുദ്ധ ബോധവല്‍ക്കരണ ക്ലാസ് നടത്തും.
അധ്യയന വര്‍ഷം ആരംഭിച്ച ശേഷവും നിരവധി കുട്ടികള്‍ സ്‌കൂളില്‍ പോകാതെ ജോലിക്കു പോകുന്നതായി അറിയാന്‍ സാധിച്ചിട്ടുണ്ട്. ബാലവേല ചെയ്യുന്ന കുട്ടികളെ കണ്ടാല്‍ ടോള്‍ഫ്രീ നമ്പറായ 1098, 205264, 203905 എന്നീ നമ്പറുകളില്‍ അറിയിക്കാം.
ബാലവേല വിരുദ്ധദിന പരിപാടി സബ് ജഡ്ജിയും ജില്ലാ ലീഗല്‍ അതോറിറ്റി സെക്രട്ടറിയഒമായ എ.ജി സതീഷ് കുമാര്‍ ഉദ്ഘാടനം ചെയ്യും. പൊഴുതന ഗ്രാമപഞ്ചായത്ത് പ്രസിഡന്റ് എന്‍.സി പ്രസാദ് അധ്യക്ഷനാവും.