മേപ്പാടി: മീനാക്ഷിയില്‍ സ്വകാര്യ തോട്ടത്തില്‍ നിന്നും മാനിനെ വേട്ടയാടിയ കേസില്‍ മൂന്ന് പ്രതികള്‍ കൂടി കീഴടങ്ങി. ചുളിക്ക സ്വദേശികളായ നാസര്‍ (32), സൈതലവി (43), മുരുകന്‍ (37) എന്നിവരാണ് ഫോറസ്റ്റ് റെയ്ഞ്ച് ഓഫിസര്‍ ഹരീഷ് ചന്ദ്രന്‍ മുമ്പാകെ കീഴടങ്ങിയത്. കേസില്‍ രണ്ട് പ്രതികള്‍ നേരത്തെ കീഴടങ്ങിയിരുന്നു. ഇക്കഴിഞ്ഞ മൂന്നാം തിയതിയാണ് സംഭവം.
ഒളിവില്‍ പോയ മുഹമ്മദും മകന്‍ ലത്തീഫും കഴിഞ്ഞ ദിവസം കീഴടങ്ങുകയായിരുന്നു. ലത്തീഫിനെ ഒളിവില്‍ പോയതോടെയാണ് പ്രതിചേര്‍ത്തത്.  പ്രതികളെ ഇന്ന് കോടതിയില്‍ ഹാജരാക്കുമെന്ന് റെയ്ഞ്ച് ഒഫിസര്‍ ഹരിഷ് ചന്ദ്രന്‍ അറിയിച്ചു.