പുതുച്ചേരിയിലെ ജവഹര്‍ലാല്‍ ഇന്‍സ്റ്റിറ്റ്യൂട്ട് ഓഫ് പോസ്റ്റ്ഗ്രാജ്വേറ്റ് മെഡിക്കല്‍ എജ്യൂക്കേഷന്‍ ആന്‍ഡ് റിസര്‍ച്ചി (ജിപ്മര്‍) ല്‍ എം.ബി.ബി.എസ് പ്രവേശന പരീക്ഷ ജൂണ്‍ നാലിനു നടത്തും. ംംം.ഷശുാലൃ.ലറൗ.ശി വെബ്‌സൈറ്റിലൂടെ മാര്‍ച്ച് 27മുതല്‍ മെയ് മൂന്നുവരെ ഓണ്‍ലൈനായി അപേക്ഷിക്കാം. ജിപ്മറില്‍ എം.ബി.ബി.എസ് പ്രവേശനം നീറ്റ് പ്രവേശനപരീക്ഷയുടെ അടിസ്ഥാനത്തിലല്ല.

ഫിസിക്‌സ്, കെമിസ്ട്രി, ബയോളജി, ബയോടെക്‌നോളജി, ഇംഗ്ലീഷ് വിഷയങ്ങള്‍ പഠിച്ച് പ്ലസ്ടു പാസായവര്‍ക്കും ഇപ്പോള്‍ അവസാനവര്‍ഷ പരീക്ഷ എഴുതുന്നവര്‍ക്കും അപേക്ഷിക്കാം. മുകളില്‍ പറഞ്ഞ വിഷയങ്ങള്‍ പാസാകുകയും ഫിസിക്‌സ്, കെമിസ്ട്രി, ബയോളജി, ബയോടെക്‌നോളജി വിഷയങ്ങള്‍ക്ക് കുറഞ്ഞത് 50 ശതമാനം മാര്‍ക്ക് നേടുകയും വേണം.  പ്രവേശന സമയത്തോ 2017 ഡിസംബര്‍ 31നോ അതിനുമുന്‍പോ 17 വയസ് തികയണം. അപേക്ഷാഫീസ് ഉള്‍പ്പടെയുള്ള കൂടുതല്‍ വിവരം www.jipmer.edu.in വെബ്‌സൈറ്റിലെ വിജ്ഞാപനത്തില്‍.