കോഴിക്കോട്: സംസ്ഥാന ന്യൂനപക്ഷ വികസന-ധനകാര്യ കോര്‍പറേഷന്റെ മദ്‌റസാ അധ്യാപകര്‍ക്കുള്ള ഭവനവായ്പയുടെ രണ്ടാംഘട്ട വിതരണം വൈകാതെ നടക്കുമെന്നും കോര്‍പറേഷന്‍ അടച്ചുപൂട്ടല്‍ ഭീഷണിയിലാണെന്നും പ്രവര്‍ത്തനങ്ങള്‍ അവതാളത്തിലാണെന്നുമുള്ള വാര്‍ത്തകള്‍ അടിസ്ഥാനരഹിതമാണെന്നും മാനേജിങ് ഡയറക്ടര്‍ വി.കെ അക്ബര്‍ അറിയിച്ചു.
കഴിഞ്ഞ കാലങ്ങളേക്കാള്‍ സുഗമവും സുതാര്യവുമായാണ് കോര്‍പറേഷന്‍ ഇപ്പോള്‍ പ്രവര്‍ത്തിക്കുന്നത്. വിദ്യാഭ്യാസ വായ്പയടക്കമുള്ള എല്ലാ പ്രവര്‍ത്തനങ്ങളും തുടര്‍ന്നു പോകുന്നുണ്ടെന്നും തൊഴില്‍ പരിശീലനം, മാനേജ്‌മെന്റ് പരിശീലനം തുടങ്ങിയ നൂതന പദ്ധതികള്‍ നടപ്പിലാക്കുന്നുണ്ടെന്നും അദ്ദേഹം പറഞ്ഞു.