ആലപ്പുഴ: ജില്ലാ ടി.ബി അസോസിയേഷന്റെ ആഭിമുഖ്യത്തില്‍ ഇന്നലെ ജില്ല മെഡിക്കല്‍ ഓഫിസറുടെ കോണ്‍ഫറന്‍സ് ഹാളില്‍ ക്ഷയരോഗ വിരുദ്ധവാരാചരണ പരിപാടി സംഘടിപ്പിച്ചു. യോഗത്തിന്റെ ഉദ്ഘാടനം ആലപ്പുഴ നഗരസഭാ ചെയര്‍മാന്‍ തോമസ് ജോസഫ് നിര്‍വഹിച്ചു.
ആരോഗ്യ സ്റ്റാന്റിങ് കമ്മറ്റി ചെയര്‍മാന്‍ ബി.മെഹബൂബ് അധ്യക്ഷത വഹിച്ചു. ടി.ബി സ്റ്റാമ്പ് വില്‍പ്പനാ ക്യാംപയിന്റെ ഉദ്ഘാടനം ജില്ലാ മെഡിക്കല്‍ ഓഫീസര്‍ ഡോ.ഡി വസന്തദാസ് നിര്‍വഹിച്ചു. ജോണ്‍സ് കുടകള്‍ക്കു വേണ്ടിയുള്ള സ്റ്റാമ്പ് സംസ്ഥാന ടി.ബി അസോസിയേഷന്‍ അംഗം ഡോ.കെ വേണുഗോപാലിനു നല്‍കി. യോഗത്തില്‍ ആലപ്പുഴ നഗരസഭ ക്ഷേമകാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സി.എസ് ഷോളി, ഡോ.അരൂണ്‍ മിത്ര എന്നിവര്‍ പ്രസംഗിച്ചു.
ജില്ലാ ടി.ബി ഓഫിസര്‍ ഡോ. അനു വര്‍ഗ്ഗീസ്, ജില്ലാ ടി.ബി അസോസിയേഷന്‍ അംഗം കെ.വി ജയമോഹന്‍, ആലപ്പുഴ മെഡിക്കല്‍ കോളജിലെ കമ്മ്യൂണിറ്റി വിഭാഗം പ്രൊഫസര്‍ ഡോ.ആര്‍.എസ് നിഷ, ശ്വാസകോശരോഗ വിദഗ്ധന്‍ ഡോ.കെ വേണുഗോപാല്‍ എന്നിവര്‍ സെമിനാര്‍ നയിച്ചു.