കോഴിക്കോട്: കോഴിക്കോടു നടക്കുന്ന യു.ഡി.എഫ് മലബാര്‍ മേഖലാ പൗരത്വ പ്രതിഷേധ റാലിയില്‍ പങ്കെടുക്കാനായി കോണ്‍ഗ്രസ് പ്രവര്‍ത്തക സമിതി അംഗവും നിയമഞ്ജനുമായ കബില്‍ സിബല്‍ കരിപ്പൂരിലെത്തി.

യു.ഡി.എഫ് നേതാക്കളായ ടി. സിദ്ധീഖ്, ബഷീറലി ശിഹാബ് തങ്ങള്‍, കെ.എം ഷാജി, ടി.വി ഇബ്രാഹിം എന്നിവര്‍ ചേര്‍ന്ന് അദ്ദേഹത്തെ സ്വീകരിച്ചു. കരിപ്പൂരില്‍ നിന്നും അദ്ദേഹം കോഴിക്കോട്ടേക്ക് യാത്ര തിരിച്ചിട്ടുണ്ട്. വൈകിട്ട് മൂന്നുമണിയോടെ കോഴിക്കോട് സൗത്ത് ബീച്ചിലെ മുഹമ്മദലി കടപ്പുറത്താണ് യു.ഡി.എഫ് മലബാര്‍ മേഖലാ റാലി നടക്കുക. നാലു മണിക്ക് സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. പട്ടിക്കാട് ജാമിഅ നൂരിയയുടെ വാര്‍ഷിക സമ്മേളനത്തിലും കപില്‍ സിബല്‍ പങ്കെടുക്കുന്നുണ്ട്.