ആലപ്പുഴ: ഹെല്‍ത്ത് പാര്‍ക്ക് മെഡിക്കല്‍ സെന്റര്‍ ആലപ്പുഴയിലും. ആതുരശുശ്രൂഷാ രംഗത്തേയ്ക്ക് ആധുനിക ചികിത്സാ നിര്‍ണയ സംവിധാനങ്ങളോടെ പ്രവേശിക്കുന്ന ഹെല്‍ത്ത് പാര്‍ക്ക് മെഡിക്കല്‍ സെന്റര്‍ മാര്‍ച്ച് ഒന്നിന് ഇ.എം.എസ് സ്‌റ്റേഡിയത്തില്‍ പ്രവര്‍ത്തനം ആരംഭിക്കും.
കാര്‍ഡിയോളജി, ന്യൂറോളജി, ഗ്യാസ്‌ട്രോ എന്‍ട്രോളജി തുടങ്ങിയ പതിനാലോളം വിഭാഗങ്ങള്‍ ഇവിടെ പ്രവര്‍ത്തിക്കും. സാധാരണക്കാരന് ഏറെ ആശ്രയിക്കാവുന്ന തരത്തിലാണ് സംവിധാനങ്ങള്‍ ഒരുക്കിയിട്ടുള്ളത്. ഗള്‍ഫ് രാജ്യങ്ങളില്‍ ആതുര ശുശ്രൂഷാ കേന്ദ്രങ്ങള്‍ നടത്തുന്ന ബദര്‍ അല്‍ സമ ഗ്രൂപ്പ് ഓഫ് ഹോസ്പിറ്റല്‍സിന്റെ മാനേജിങ് ഡയറക്ടര്‍ പി.എ മുഹമ്മദും എയര്‍ എക്‌സ്പ്രസ് മാനേജിങ് ഡയറക്ടര്‍ നിഹാസ് ബഷീറും ചേര്‍ന്നാണ് ആശുപത്രി ആരംഭിക്കുന്നത്.