ചിങ്ങവനം: പൂവന്തുരുത്ത് സി.എസ്.ഐ സെമിത്തേരിക്ക് തെക്കുഭാഗത്ത് സാമൂഹ്യവിരുദ്ധരുടെ ശല്യം വര്‍ധിക്കുന്നതായി നാട്ടുകാരുടെ പരാതി.
പകല്‍ സമയങ്ങളില്‍ പോലും പ്രദേശത്ത് മദ്യപാനികളുടെയും കഞ്ചാവുമാഫിയായുടെയും വിളയാട്ടം നടക്കുകയാണെന്നു നാട്ടുകാര്‍ ആരോപിക്കുന്നു.
വിജനമായ പ്രദേശത്ത് കൂട്ടംകൂടിയിരുന്നു മദ്യപിക്കുന്നവര്‍ വീടുകളില്‍ പാര്‍ക്ക് ചെയ്തിരിക്കുന്ന വാഹനങ്ങള്‍കേടുപാടുവരുത്തുക, പ്രദേശത്തെ വീടുകളില്‍ എത്തിനോക്കുക, വൈദ്യുതി ഇല്ലാതാക്കുക തുടങ്ങിയവ നടത്തുന്നതായി നാട്ടുകാര്‍ പരാതിപ്പെടുന്നു.