കോഴിക്കോട്: ഗാന്ധിജിയുടെ ഓര്‍മകളെപ്പോലും സംഘ്പരിവാര്‍ ഭയക്കുകയാണെന്ന് പാണക്കാട് ഹൈദരലി ശിഹാബ് തങ്ങള്‍. കോഴിക്കോട് നടന്ന യു.ഡി.എഫ് മഹാറാലി ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍.
ഗാന്ധി മ്യൂസിയത്തില്‍നിന്ന് ഗാന്ധി വധത്തിന്റെ ചിത്രം എടുത്തുമാറ്റിയത് ഗാന്ധിയെ ഭയക്കുന്നുവെന്നതിന്റെ മികച്ച ഉദാഹരണമാണ്. രാജ്യത്ത് ഉയര്‍ന്നുവരുന്ന ബദലിനെ തകര്‍ക്കാനാണ് സംഘ്പരിവാര്‍ ശ്രമിക്കുന്നത്. ഫാസിസത്തിനെതിരേ രാജ്യത്ത് ബദല്‍ രാഷ്ട്രീയത്തെ നയിക്കുന്നത് യു.പി.എയും കോണ്‍ഗ്രസുമാണെന്നും തങ്ങള്‍ കൂട്ടിച്ചേര്‍ത്തു.