തൊടുപുഴ: ഇടുക്കി ജില്ലാ പൊലിസ് മേധാവിയായി എ.വി. ജോര്‍ജ്ജ് ചുമതലയേറ്റു. മലപ്പുറത്ത് റാപ്പിഡ് റെസ്‌പോണ്‍സ് ആന്‍ഡ് റെസ്‌ക്യൂ ഫോഴ്‌സില്‍ കമാന്‍ഡന്റായിരുന്നു. കോട്ടയം ചൊവ്വൂര്‍ സ്വദേശിയായ ജോര്‍ജ്ജ് 1988ല്‍ തലശേരി സബ് ഇന്‍സ്‌പെക്ടറായാണ് പൊലിസ് സേനയില്‍ എത്തുന്നത്. കൊല്ലം, എറണാകുളം ക്രൈംബ്രാഞ്ച് എസ്.പി, ഇന്റേണല്‍ സെക്യൂരിറ്റി ഇന്‍വെസ്റ്റിഗേഷന്‍ ടീം എസ്.പി, വയനാട് എസ്.പി, കോഴിക്കോട് സിറ്റി പൊലിസ് കമ്മിഷണര്‍ തുടങ്ങിയ വിവിധ നിലകളില്‍ പ്രവര്‍ത്തിച്ചിട്ടുണ്ട്.  സ്ഥാനമൊഴിഞ്ഞ കെ വി ജോസഫിന് പകരം നിയമനം നല്‍കിയിട്ടില്ല.