കാഞ്ഞങ്ങാട്: ക്ഷേത്രത്തിലെത്തിയ സ്ത്രീകളുടെ സ്വര്‍ണമാലകള്‍ തട്ടിപ്പറിച്ചതായി പരാതി. ഹൊസ്ദുര്‍ഗ് പൂങ്കാവനം കര്‍പ്പൂരേശ്വരി ക്ഷേത്രത്തില്‍ മഹാരുദ്ര യാഗത്തിനെത്തിയെ അലാമിപ്പള്ളിയിലെ ശാന്ത, ഹൊസ്ദുര്‍ഗിലെ സുശീല, ഹൊസ്ദുര്‍ഗ് കോട്ടക്ക് സമീപത്തെ നാഗവേണി എന്നിവരുടെ മാലയാണു നഷ്ടപ്പെട്ടത്. കഴിഞ്ഞ ദിവസമാണു സംഭവം.
ശാന്തയുടെ മൂന്നു പവനും സുശീലയുടെ അഞ്ചുപവനും നാഗവേണിയുടെ മൂന്നു പവനും തൂക്കമുള്ള മാലകളാണു നഷ്ടപ്പെട്ടത്. ശാന്തയുടെ പരാതിയില്‍ പൊലിസ് കേസെടുത്ത് അന്വേഷണം നടത്തിവരുന്നു.