വണ്ണപ്പുറം: വണ്ണപ്പുറം ഹിറാ പബ്ലിക് സ്‌കൂളില്‍ പരിസ്ഥിതി ദിനാചരണം അക്ഷര വൃക്ഷം കാമ്പയിന്‍ എന്ന പേരില്‍ വിവിധ പരിപാടികളോടെ സംഘടിപ്പിച്ചു.
സ്‌കൂള്‍ ചെയര്‍മാന്‍ അബ്ദുല്‍ കരിം റാവുത്തര്‍ വൃക്ഷത്തൈ നട്ട് ഉദ്ഘാടനം ചെയ്തു. അതോടൊപ്പം നടത്തിയ ബോധവത്കരണ റാലി വിവിധ ജനപ്രതിനിധികളുടെയും പി.ടി.എ അംഗങ്ങളുടെയും സാന്നിദ്ധ്യത്തില്‍ വണ്ണപ്പുറം ഗ്രാമപഞ്ചായത്ത് പ്രസിഡന്റ് ലിസി ജോസ്, പഞ്ചായത്ത് ഗ്രൗണ്ടില്‍ വൃക്ഷത്തൈ നട് ഉദ്ഘാടനം ചെയ്തു. തുടര്‍ന്ന് നടന്ന വൃക്ഷത്തൈ വിതരണ പരിപാടി കാളിയാര്‍ ഫോറസ്റ്റ് റെയിഞ്ച് ഓഫീസര്‍ സജി ടി.എസ് ഉദ്ഘാടനം ചെയ്തു. മര്‍ച്ചന്റ്‌സ് അസ്സോസിയേഷന്‍ ഭാരവാഹികള്‍, ഡ്രൈവേഴ്‌സ് അസ്സോസിയേഷന്‍ പ്രസിഡന്റ്, വാര്‍ഡ് മെമ്പര്‍മാര്‍, അധ്യാപകര്‍ എന്നിവര്‍ പങ്കെടുത്തു.