കാസര്‍കോട്: ഗാന ഗന്ധര്‍വന്‍ കെ.ജെ യേശുദാസിന്റെ 79ാം പിറന്നാളിനോട് അനുബന്ധിച്ച് 10ന് കൊല്ലൂരില്‍ സംഗീതരത്‌നം ഡോ. കാഞ്ഞങ്ങാട് രാമചന്ദ്രന്റെ നേതൃത്വത്തില്‍ സംഗീതാരാധനയും സൗപര്‍ണികാമൃതം പുരസ്‌കാര സമര്‍പ്പണവും നടക്കുമെന്ന് മൂകാംബികാ സംഗീതാരാധനാ സമിതി ചെയര്‍മാന്‍ വി.വി പ്രഭാകരന്‍, കാഞ്ഞങ്ങാട് രാമചന്ദ്രന്‍ എന്നിവര്‍ അറിയിച്ചു.ഈ വര്‍ഷത്തെ പുരസ്‌കാരത്തിന് പ്രശസ്ത മൃദംഗ വിദ്വാനും ആകാശവാണി കോഴിക്കോട് നിലയത്തിലെ മൃദംഗ വിദ്വാനുമായ എന്‍. ഹരിയെ തെരഞ്ഞെടുത്തതായി സമിതി ഭാരവാഹികള്‍ അറിയിച്ചു. 10,001 രൂപയും പ്രശസ്തിപത്രവും ശില്‍പവും അടങ്ങുന്നതാണ് അവാര്‍ഡ്. സംഗീതാര്‍ച്ചനാ വേദിയില്‍വച്ച് രാവിലെ 11ന് അവാര്‍ഡ് ദാനം നടക്കും.
പിറന്നാള്‍ ദിനത്തില്‍ യേശുദാസ് ഭാര്യ പ്രഭാ യേശുദാസ്, മകന്‍ വിജയ് യേശുദാസ് എന്നിവരോടൊപ്പമാണ് ക്ഷേത്രത്തില്‍ എത്തുക.