മക്ക: മക്കയിൽ ഉംറ തീർഥാടകരുടെ ഇടയിലേക്ക് വാഹനം പാഞ്ഞുകയറിയുണ്ടായ അപകടത്തിൽ  മലയാളി തീർത്ഥാടക മരിച്ചു. മലപ്പുറം സ്വദേശിനി കോഡൂർ എടത്തടത്തിൽ മുഹമ്മദ് കുട്ടിയുടെ ഭാര്യ ജമീലയാണ് മരിച്ചത്. മൂന്നുപേർക്ക് പരിക്കേൽക്കുകയും ചെയ്തിട്ടുണ്ട്. ഇന്ന് രാവിലെയാണ് അപകടമുണ്ടായത്. ജബലുന്നൂറിൽ ഹിറ ഗുഹ സന്ദർശിച്ച് മടങ്ങുകയായിരുന്നു ഇവർ ഉൾപ്പെടെയുള്ള സംഘത്തിനു നേരെ കാർ നിയന്ത്രണം വിട്ടു പാഞ്ഞു കയറുകയായിരുന്നു. പരിക്കേറ്റവരെ പ്രാഥമിക ചികിത്സക്ക് ശേഷം പറഞ്ഞയച്ചു. സുഹൈൽ, ബുഷ്‌റ എന്നിവരാണ് ജമീലയുടെ മക്കൾ. മൃതദേഹം ശീഷ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.