റിയാദ്: യമനിൽ സൈനിക ക്യാമ്പിന് നേരെ ഇറാൻ അനുകൂല വിമതരായ ഹൂതികൾ നടത്തിയ മിസൈൽ, ഡ്രോൺ ആക്രമണം ഇറാൻ നേതാവ് ഖാസിം സുലൈമാനിയെ അമേരിക്ക കൊലപ്പെടുത്തിയതിലെ പ്രതികാരമാണെന്നു യമൻ സർക്കാർ. ഇക്കാര്യത്തിൽ ഐക്യ രാഷ്‌ട്ര സഭ ഇടപെടണമെന്നും യമൻ ആവശ്യപ്പെട്ടു. ഇറാൻ കൂലിപ്പടയാളികളായ ഹൂത്തി മിലിഷ്യകൾ ഇറാനിയൻ മിസൈലുകളുമായി നടത്തിയ ആക്രമണമാണിതെന്നും ഖാസിം സുലൈമാനിയെ വധിച്ചതിനുള്ള പ്രതികാരമാണ് നടത്തിയതെന്നും യമൻ ഇൻഫർമേഷൻ മന്ത്രി അൽ ഇർയാനി ട്വീറ്റ് ചെയ്‌തു.
      ശനിയാഴ്ച്ച വൈകീട്ടാണ് നിസ്‌കാരത്തിനിടെ യമൻ സൈനികർക്കിടെയിലേക്ക് ഹൂതികൾ മിസൈൽ, ഡ്രോൺ ആക്രമണങ്ങൾ നടത്തിയത്. സംഭവത്തിൽ 83 വ്യോമ സൈനികർ കൊല്ലപ്പെടുകയും 150 ഓളം പേർക്ക് പരിക്കേൽക്കുകയും ചെയ്‌തിരുന്നു. അഞ്ചു വർഷമായി യുദ്ധം അടക്കുന്ന യമനിൽ നടക്കുന്ന ഏറ്റവും വലിയ ആക്രമണങ്ങളിലൊന്നാണ് ഈ സംഭവം.