ദോഹ: ബോക്‌സിങ് താരം മുഹമ്മദ് അലിയുടെ സ്മരണയ്ക്കായി സ്വിസ് ആഡംബര വാച്ച്. ടാഗ് ഹ്യൂവര്‍ നിര്‍മിച്ച വാച്ചാണ് ദോഹ എക്ബിഷനിലെ കൗതുകമാവുന്നത്. കരേറ കാലിബര്‍ 5 റിങ് മാസ്റ്റര്‍ സ്‌പെഷ്യല്‍ എഡിഷന്‍ ട്രിബ്യൂട്ട് ടു മുഹമ്മദ് അലി എന്ന് പേരിട്ടിരിക്കുന്ന വാച്ച് കൃത്രിമ ബോക്‌സിങ് റിങുണ്ടാക്കി അതിനകത്താണ് പ്രദര്‍ശിപ്പിച്ചിരിക്കുന്നത്.

2012ല്‍ കമ്പനി മുഹമ്മദലിയുമായി വാച്ചിന്റെ പ്രമോഷന് വേണ്ടി കരാറിലെത്തിയിരുന്നവെന്ന് ടാഗ് ഹ്യൂവര്‍ ബ്രാന്റ് ഡയറക്ടര്‍ നിക്കോളാസ് പിക് പറഞ്ഞു. എന്നാല്‍, ദൗര്‍ഭാഭ്യവശാല്‍ കഴിഞ്ഞ വര്‍ഷം അദ്ദേഹം വിടപറഞ്ഞു. മുഹമ്മദലിയൂടെ ഭാര്യയുമായി ആലോചിച്ചാണ് എക്കാലത്തെയും മികച്ച ബോക്‌സറുടെ സ്മരണയ്ക്കു വേണ്ടിയുള്ള വാച്ച് നിര്‍മിച്ചിരിക്കുന്നതെന്നും അദ്ദേഹം അറിയിച്ചു.