തിരുവനന്തപുരം: നടിയെ ആക്രമിച്ച സംഭവത്തില്‍ ക്വട്ടേഷന്‍ നല്‍കിയത് സ്ത്രീയാണെന്ന് മൊഴി നല്‍കിയതായി റിപ്പോര്‍ട്ട്. പള്‍സര്‍ സുനി നടിയോട് ഇക്കാര്യം പറഞ്ഞതായാണ് മൊഴി. ഡബിംഗ് ആര്‍ട്ടിസ്റ്റ് ഭാഗ്യലക്ഷ്മി ഒരു സ്വകാര്യ ചാനലിനോട് വെളിപെടുത്തിയതാണിത്. പ്രമുഖനടനാണെന്ന് പൊലിസിനോട് പറഞ്ഞിട്ടില്ലെന്നും ഇവര്‍ വ്യക്തമാക്കിയിട്ടുണ്ട്.
ക്വട്ടേഷനാണെങ്കില്‍ കൂടുതല്‍ പണം തരാമെന്ന് പറഞ്ഞിട്ടും ഉപദ്രവിച്ചു. പ്രമുഖ നടനെ സംശയിക്കുന്നതായി മൊഴി നല്‍കിയിട്ടില്ലെന്നാണ് നടി പറഞ്ഞത്. സിനിമ ഇല്ലാതാക്കാന്‍ നടന്‍ ഇടപെട്ടിട്ടുണ്ടെങ്കിലും ഇത്രവലിയ ക്രൂരത ചെയ്യുമെന്ന് കരുതുന്നില്ലെന്ന് നടി പറഞ്ഞതായും ഞെട്ടിക്കുന്ന വിവരങ്ങളാണ് അവര്‍ തന്നോട് വെളിപെടുത്തിയതെന്നും ഭാഗ്യലക്ഷ്മി സ്വകാര്യ ചാനലിന് നല്‍കിയ അഭിമുഖത്തില്‍ പറഞ്ഞു.