വൈക്കം : ഉദയനാപുരം ഗ്രാമപഞ്ചായത്ത് 2015-16 വാര്‍ഷിക പദ്ധതിയില്‍ ഉള്‍പ്പെടുത്തി മത്സ്യത്തൊഴിലാളികളുടെ മക്കള്‍ക്ക് പഠനോപകരണങ്ങള്‍ വിതരണം ചെയ്തു. പഠനോപകരണങ്ങളുടെ വിതരണം ഉദയനാപുരം ഗ്രാമപഞ്ചായത്ത് പ്രസിഡന്റ് സാബു പി മണലൊടി നിര്‍വ്വഹിച്ചു.
മുണ്ടുകാട് വര്‍ക്ക് ഷെഡില്‍ നടന്ന വിതരണചടങ്ങില്‍ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പി.എസ് മോഹനന്‍ അദ്ധ്യക്ഷത വഹിച്ചു.
ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ പ്രവീണ സിബി, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ പി.പി ദിവാകരന്‍, പഞ്ചായത്ത് മെമ്പര്‍മാരായ ഗിരിജ പുഷ്‌ക്കരന്‍, ജയാഷാജി, എം.വി ശശികല, മായ ഷിബു ഫിഷറീസ് സബ് ഇന്‍സ്‌പെക്ടര്‍ മെറിറ്റ് കുര്യന്‍ സംസാരിച്ചു.