ഫൈസാബാദ്: ഇസ്‌ലാമിക ലോകത്ത് പൂര്‍വികരായ പ്രവാചക അനുചരന്മാരിലൂടെ പ്രചരിച്ച പ്രബോധന ദൗത്യമാണ് പണ്ഡിതന്‍മാരിലൂടെ തുടരുന്നതെന്നും ധര്‍മ്മികമായി സമൂഹത്തെ സംസ്‌കരിക്കുകയാണ് പണ്ഡിതന്‍മാര്‍ ചെയ്യുന്നതെന്നും സമസ്ത ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍. ജാമിഅ നൂരിയ്യ സമ്മേളനത്തില്‍ സനദ്ദാന പ്രസംഗം നടത്തുകയായിരുന്നു അദ്ദേഹം. ആദര്‍ശപരമായ ജീവിതത്തെ വ്യക്തിയിലും സമൂഹത്തിലും നിലനിര്‍ത്തുകയെന്നതാണ് ഏറ്റവും പ്രധാനമായി പണ്ഡിതന്‍മാര്‍ ഏറ്റെടുക്കേണ്ട ദൗത്യം. സമുദായത്തിന്റെ നന്‍മക്കും അതിനുവേണ്ടി നിലകൊള്ളുന്ന സമസ്ത കേരള ജംഇയ്യത്തുല്‍ ഉലമാക്കും വേണ്ടി സേവനരംഗത്ത് നിസ്വാര്‍ഥമായി പൂര്‍വികരുടെ പാതയില്‍ നിലകൊള്ളണമെന്നും അദ്ദേഹം പറഞ്ഞു.