ന്യൂഡല്‍ഹി: ടെസ്റ്റ് പരമ്പരയില്‍ 2-1ന് ആസ്‌ത്രേലിയയെ തകര്‍ത്ത് ചരിത്ര വിജയം നേടിയ ഇന്ത്യന്‍ ടീമംഗങ്ങള്‍ക്ക് ലക്ഷങ്ങളുടെ പാരിതോഷികവുമായി ബി.സി.സി.ഐ. ആസ്‌ത്രേലിയയില്‍ പരമ്പര സ്വന്തമാക്കുന്ന ആദ്യ ഏഷ്യന്‍ ടീമാണ് ഇന്ത്യ.
ആദ്യ ഇലവനിലെ ഓരോ കളിക്കാര്‍ക്കും ഓരോ കളിയിലും ലഭിക്കുന്ന മാച്ച് ഫീസിന് (15 ലക്ഷം) പുറമേ 15 ലക്ഷം രൂപ വീതം ബോണസ് ആയി ലഭിക്കും. നാലു ടെസ്റ്റിലും കളിച്ച ഒരു താരത്തിന് 60 ലക്ഷം രൂപയാണ് അധികമായി ലഭിക്കുക. റിസര്‍വ് താരങ്ങള്‍ക്ക് ഓരോ കളിക്കും 7.5 ലക്ഷം രൂപവീതവും നല്‍കും. കൂടാതെ കോച്ചിങ് സ്റ്റാഫുകള്‍ക്ക് 25 ലക്ഷം രൂപവീതമാണ് നല്‍കുന്നത്. ഇന്ത്യന്‍ ടീം സപ്പോര്‍ട്ട് സ്റ്റാഫുകള്‍ക്ക് അവര്‍ക്ക് ലഭിക്കുന്ന ശമ്പളത്തിന്റെ അതേ അളവില്‍ പാരിതോഷികം നല്‍കും.