ലണ്ടന്‍: കാര്‍ലോസ് ടെവസ്, ഓസ്‌കാര്‍ എന്നിവര്‍ക്കു പിന്നാലെ മാഞ്ചസ്റ്റര്‍ യുനൈറ്റഡ് നായകന്‍ വെയ്ന്‍ റൂണിയും ചൈനീസ് സൂപ്പര്‍ ലീഗിലേക്കെന്ന് റിപ്പോര്‍ട്ടുകള്‍. 12 വര്‍ഷമായി മാഞ്ചസ്റ്ററിന്റെ ജീവനാഡിയായി നില്‍ക്കുന്ന റൂണി ഓള്‍ഡാട്രാഫോര്‍ഡ് വിടുന്നതായി നേരത്തെ അഭ്യൂഹങ്ങളുണ്ടായിരുന്നു. അദ്ദേഹത്തിന്റെ ഏജന്റ് പോള്‍ സ്‌ട്രെറ്റ്‌ഫോര്‍ഡ്   ടീം മാറുന്നതു സംബന്ധിച്ച ചര്‍ച്ചകള്‍ക്കായി ചൈനയിലാണെന്നു ബ്രിട്ടീഷ് മാധ്യമങ്ങളാണു റിപ്പോര്‍ട്ട് ചെയ്തത്. റൂണിയെ ടീമിലെത്തിക്കാനുള്ള ശ്രമം നടത്തുന്നതായി സൂപ്പര്‍ ലീഗ് ടീം ടൈന്‍ജിന്‍ ക്വാന്‍ജിയാന്‍ പരിശീലകന്‍ ഫാബിയോ കന്നവാരോ വ്യക്തമാക്കിയിരുന്നു.