ന്യൂഡല്‍ഹി: ഊബര്‍ ഈറ്റ്‌സിനെ ഇന്ത്യയിലെ ബിസിനസ് ഓണ്‍ലൈന്‍ ഭക്ഷ്യ വിതരണ സംരംഭമായ സൊമാറ്റോ ഏറ്റെടുത്തു. 350 മില്യണ്‍ ഡോളറിനാണ് ഏറ്റെടുക്കല്‍. ഊബറിന് ഇനി 10% ഓഹരിയേ ഉണ്ടാകൂ.

ഊബര്‍ ഓണ്‍ലൈന്‍ ടാക്‌സി സര്‍വീസ് 2017-ലാണ് ഊബര്‍ ഈറ്റ്‌സ് ഇന്ത്യയില്‍ ആരംഭിച്ചത്. എന്നാല്‍ ദീപേന്ദര്‍ ഗോയലും പങ്കജ് ഛദ്ദയും ചേര്‍ന്ന് ആരംഭിച്ച സൊമാറ്റോ 2008 മുതല്‍ ഇന്ത്യയില്‍ പ്രവര്‍ത്തിക്കുന്നുണ്ട്.

40 കോടി ഡോളറോളമാണ് ഊബര്‍ ഈറ്റ്‌സിന്റെ ഇന്ത്യയിലെ ബിസിനസിന്റെ മൂല്യം. ഊബര്‍ ഈറ്റ്‌സ് കൂടി ഏറ്റെടുത്തതോടെ സൊമാറ്റോ ഈ രംഗത്തെ ഏറ്റവും വലിയ കമ്പനിയായി മാറി.